III. Одоо язгуур шалтгааныг онил


Хүрээлэн буй орчны хямралын хамгийн том шалтгааныг тасал

---

“Мал аж ахуй бол өнөөдрийн хүрээлэн буй орчны хурц асуудлуудад хамгийн их хувь нэмэр оруулсан нэгэн хүчин зүйл мөн билээ.  Нөхцөл байдлыг анагаах яаралтай арга хэмжээ хэрэгтэй байна.”⁵⁹

— Др. Хеннинг Стэйнфэлд, Мал аж ахуйн мэдээлэл бодлогын салбрын ахлагч, Хүнс ХАА-н байгууллага,НҮБ.

Улам бүр муудаж буй дэлхийн дулаарлыг зогсоох хамгийн ухаалаг арга зам бол ургамлан хоолтон болох юм. Энэ тун энгийн сонсогддог боловч хамгийн шилдэг, хамгийн үр нөлөөтэй шийдэл бөгөөд үр дүнг нь бараг дариу мэдэрч болно. Цаг хугацааны хувьд хамгийн үр нөлөөтэй энэ гол арга замыг хэрэгжүүлэхгүйгээр бидний ямар ч зүтгэл оролдлого бидний хуримтуулсан хамгийн муу үр дагавруудыг үлдэн хөөж дийлэхгүй.

Язгуур асуудал угтай оюун санааны агуулгатай

---

“Цагаан хоолноос өөр ямар ч хувьсал хүмүүнд дэлхий дээр эсэн мэнд үлдэх боломжийг нэмэгдүүлж, эрүүл мэндэд нь ач тустай байж чадахгүй. ”⁶¹

Бид асуудлын язгуур шалтгааныг онилох хэрэгтэй гэж би түрүүн хэлсэн. Асуудлын язгуур шалтгаан бол дэлхийг дулааруулж буй тэр шалтгаан юм. Энэ шалтгаан нь хүмүүсийн зэрэгцэн оршигч амьд оршихуйнуудад нигүүсэлгүй ханддаг харьцаа юм. 

Үйлдэл бүр хариу үйлдлийг өдөөдөг, энэ тун шинжлэх ухааны үндэстэй. 

Дарлал зовлон, тарчлаан тамлал дунд давчуухан, бохир заваан торонд өдөр бүр хэзээ ч нар харалгүй харанхуйд амьдарч, нядлуухын өмнө бас дараа нь ч туйлдатлаа амь тэмцэн зовдог эдгээр амьтдын гашуудалтай уйлаан чарлаан, дэндсэн их зовиур шаналгаа Тэнгэр Газар донсолгон цочирдуулж байна.

Тийм учраас байгалийн гамшиг, ган бол хүн төрөлхний муу үйлийг угаан зайлуулж, тэдэнд гэрэлтэй, аз жаргалтай бөгөөд амьтдын зовлон лугаа зовлон үгүй ирээдүйтэй золгохын тулд одоо илүү сайн тал руу өөрчлөгдөх хэрэгтэй байгааг сануулж бас зөвлөж буй дохио сануулга юм. 

“Бид юу тарина түүнийгээ хурааж авна.” гэдгийг бидэнд аль ч гэгээн судар ном сургадаг, тиймээс хүн төрөлхтөн сэхээрэх хэрэгтэй байна; эс бөгөөс бид үр дагаврыг нь үүрэх л болно. 

Тэгэхээр бид өдгөө тулгараад буй асуудлаа шийдье гэвэл үйлдүүдээ буцааж залруулах хэрэгтэй байна. Бид зэрэгцэн-оршигч нартаа нигүүлсэнгүй хандах хэрэгтэй. Тэднийг золиосолж, хөнөөж, хүйс тэмтрэхийн оронд тэдэнд элэгсэг хандаж, халамж анхаарал тавибал зохино. Ойгоо огтлохын оронд мод таривал зохино. Бидний хүрээлэн буй орчин ямар ч бай хамаагүй анхаарч халамжил. Гарагаа, агаараа бохирдуулахын оронд бид байгальд ээлтэй эрчим хүч, зохистой эрчим хүчинд шилжих хэрэгтэй. Ердөө л үйлдлүүдээ буцааж залруулах хэрэгтэй. 

Бид орчлогийн энергитэй, байгалийн хайрын хуульд зохицол нийцэлтэй байх хэрэгтэй. Хүн төрөлхтөн бусад хэлбрийн амьд оршихуйг хүндлэхгүй байх аваас хүмүүний амьдрал ч мөхнө, яагаад гэвэл бид бүгдээрээ хоорондоо шүтэн барилдлагатай оршдог юм.

Эсэн мэнд байхын тулд бид бүгдээрээ бие биенээсээ, хөрс шороог маань сийрэгжүүлж өгдөг жижигхэн өтнөөс хүртэл хамааралтай оршдог юм. Хэрвээ хүмүүс амь хөнөөхөөс татгалзаж, амьтны бүтээгдэхүүнээс-ангид аж төрөхүйг сонгох юм бол энх тайван болон нинжин сэтгэлийн үрийг хураах бөлгөө.

Хайрлагч мөн чанартаа эргэн орж, Гарагаа аварцгаая

---

Байгалийн гамшиг бол бидний агаар мандалд тарьсан сөрөг энергийн үр дагавар гэдгийг бид ухаарах ёстой. Агаар мандал дахь энэ сөрөг энерги нь бидний бодол санаа, мэдрэмж, бас бидний үзэн ядалт, хүчирхийлэл болон гэм зэмгүй өчнөөс хүн амьтны амийг егүүтгэсэн үйлдлүүдээс үүдэн бүтээгдсэн байдаг юм. Бид гамшгийг тэжээж, өдөөж байдаг тэдгээр арга үйлдлүүдээ эс өөрчлөх аваас гамшигт төгсгөл гэж ирэхгүй.

Бид бодол сэтгэхүй болон амьдралынхаа хэв маягийг илүү өндөр, илүү энэрэнгүй бөгөөд эрхэм ариун төвшинд аваачих өөрчлөлтийг хийх ёстой. Бид бүхий л амьд оршихуйг нандиглан хамгаалах замаар өөрийнхөө жинхэнэ үнэн бөгөөд хайрлагч би-дээ буцаж орох ёстой юм, үүнийг дариу эхлэх гараа нь нэн үнэ цэнэтэй бөгөөд үзэсгэлэнтэй гарагийг маань аварч өгөх веган хоол хүнс мөн билээ. Веган, вежетариан хүнс бол хамгийн шилдэг бөгөөд хамгийн түргэн үр дүн өгөх шийдэл юм.

Ургамлан хоолтон байх нь аль ч хэлбрийн оюун санааны дэвшилд ач тусаа өгдөг. Чухамдаа бол өнө эртнээс авахуулаад бүхий л гэгээнтэн мэргэд  ургамалд суурилсан өгөөмөр хүнсний ач тусыг онцлон сургасан байдаг. Энэ бол оюун санааны замналд дадлагажигч хүмүүний мөрдвөл зохих үндсэн шаардлага мөн билээ.

Амьтны гаралтай бүтээгдэхүүнээс татгалзахын цаад ухагдахуун нь ахимса-буюу үл хүчирхийлэх юм. Ургамлан хүнсийг сонгосноороо бид бас аллагын муу үйлийн үрээс зайлсхийж, улмаар оюун санааны аялалдаа дарамт, саад учруулахгүй байх болно. 

Ургамлан хоолтон байх нь энгийндээ бид бүх амьтдыг хамгаалж байна гэсэн үг юм.  Хүн төрөлхтөн соёл иргэншил рүү дэвшин хөгжихийн тулд бусад төрөлтнүүдийн амийг хөнөөдөг үйлдлээ зогсоох ёстой. Үүнийг хийсний ач тус олон янз билээ. Бидний  ухамсрын ачаа дарамт хөнгөрч, ухамсрын дэвшлийн чадамж сайжрахыг дагаж эрүүл мэнд маань сэргэхээс гадна амьтан ургамлын төрөл зүйлс цэцэглэн хөгжиж, гарагийн тэнцвэр сэргэх боломж бүрдэх болно.

Энэ бүхэн бүгд энэрэнгүй хүнсний ач тус юм. Ийм хайрлагч хандлага хамаг төрөлтөнг улам их аятай тавтай болгож өгдөг энх амгалан уур амьсгалыг бүрдүүлдэг. Ахан дүүс болох амьтаддаа зовлон шаналал учруулаагүй гэдгээ мэдэж өөрөө амар амгалан байснаараа бид оюун санааны дэвшлийн төлөө чин сэтгэлээсээ зүтгэхэд маань хэрэгтэй дотоодын амар амгаланг олж авах болно. 

Өргөн утгаараа гараг маань ч илааршиж эдгэнэ. Яг л хувь хүн энэрэнгүй хүнсэнд шилжсэнээрээ эдгэрдэг шиг л – ижил нь ижлээ татдаг шүү дээ. Сайн, хайрлангуй, энэрэнгүй энерги нь бидэн лүү заналхийлж буй, яг одоо дэргэд ирчихээд байгаа харанхуйг хөөн зайлуулж өгөх болно. 

Тэгээд бид тун удалгүй Дэлхий дээрээ диваажинтай болсон байх болно.

Ээ Хорвоо минь, сэрж ухаараач

Гол мөрөн, уул нурууд үймэн шаналжээ

Шатсан ой, элэгдсэн толгод, хатан горхиор дүүрчээ

Хөөрхий энэ сүнснүүд эцэстээ хаачих билээ?

Ээ аугаа Дэлхий минь, зовлон шаналал тань багасаасай

Шөнө турш асгарсан нулимсаар минь угаагдаасай

Ээ тэнгис далай минь, уянга яруу дуугаа бүү таслаач

Хүмүүн төрөлхтний маргаашид итгэх итгэлийг үлдээгээч