II. Төр засаг нэн дариу арга хэмжээ авах ёстой

Улс үндэстний тэргүүнүүд ямар нэг зүйл хийх ёстой. Бүх орны ард түмэн заавал хөдлөх хэрэгтэй. Бид энд сайхан суугаад ярьж болоод байгаа, бидний байгаа газар хүнсний үнэ өсөөгүй, усны хомсдол хараахан үзэгдэж харагдаагүй байна гэдэг нь  бидэнд энэ бүхэн мөдхөн тохиохгүй гэсэн үг биш юм.

Ургамалд суурилсан амьдралын хэв маягийн тухай мэдээлэл

Хүмүүс тавган дээр нь чухам юу байгаа талаар үнэндээ мэдээлэл сайн аваагүй байдаг. Тэдний тавган дээр тавигдсан баглаатай жаахан мах анхдагч эх сурвалжтайгаа адилхан харагддаггүй.

Тэгээд өнөөх уламжлал гэгдэгч зүйлс нэгээс нөгөө үед давтагдсаар л байдаг. Тэгээд бүхий л нийгмээрээ үүнийг амьдрах угийн жам ёс мэт санаж дэмжсээр байдаг. Харин одоо хүмүүс амьтдад учруулдаг харгислалаа илүү ухаарах болсон байна. Тэгэхээр хүмүүс бид илүү энэрэнгүй чанартаа буцан орж,  бүхий л амь насыг хүндэтгэх цаг болжээ гэж би бодном. 

Олонхи нь мал аж ахуйн үйлдвэрлэл хорт хий ялгаруулдаг эсвэл амь хөнөөх нь хариу амь хөнөөхийг өдөөдөг бөгөөд мах бол бас нэг төрлийн донтуулагч хор гэдгийг ойлгодоггүй. Тэд мах манай гарагийг устгаж байгааг ухаарахгүй байна.

Төр засгууд одоо хүмүүст мах үнэхээр хор хөнөөлтэй, хүмүүс нэн яаралтай мах идэхээ болих хэрэгтэй болоод байна гэдгийг тайлбарлаж өгөх ёстой. Энэ одоо  хувь хүний сонголт байхаа больсон. Харин манай гарагийн мөхөх-сэхэхийн  асуудал болоод байна. 

Гай гамшигт нүүрлэвэл засгийн газар хүмүүсийг үтэр түргэн нүүлгэн шилжүүлдэг. Мөн дайны үед хүмүүст өөрийгөө хэрхэн аварч хамгаалах талаар үргэлж хэлж өгч байдаг. Тэр бүү хэл армид хүмүүсийг элсүүлж, тэд гарч эх орноо хамгаалан дайтдаг.

Харин одоогийн энэ тохиолдол бол дайнаас ч илүү ноцтой. Засгийн газарт  шийдэл олдоно гэдэгт би итгэлтэй байна. Хүн ард нь улсынхаа хаана ч байсан энэ талаар олж сонсоно гэдэгт би итгэлтэй байна. Засгийн газарт үүнийг хийх эрх мэдэл, хүч чадал олгогдсон байдаг. 

Засгийн газрууд туслах ёстой. Ургамлан хоолтой амьдралын хэв маягийг урамшуулан дэмжсэн мэдээллийг илүү их тараа, гараг дэлхийг бүхэлд нь хайр, энэрэл нигүүлсэл, эрүүл мэндийн шинэ энергээр булаад бай, тэгвэл хүн бүр үүнд нэгдэх болно.  Урамшуулан, дэмжсэн энерги маш чухал. 

Тэд үүнийг хаа сайгүй хэвлэн нийтлэх хэрэгтэй. Тэд хүмүүст унших хуудас өгч, үүнийг олон нийтийн ажил болгох хэрэгтэй. Тэд албан ёсны баталгаа өгч, хүн бүрт цагаан хоолны ач тусыг мэдэх боломжийг өгөх хэрэгтэй. Ургамлан хоолны цэсэнд зориулж вэб хуудас гаргаж, ургамлан хоолны үнэ төлбөргүй сургалт, ургамлан хоолны клуб нээх хэрэгтэй. Үүнийг албан ёсны болго, тэгвэл хүн бүр аз жаргалтай чиг хандлагыг дагаж,  дэлхийд шинэ өөрчлөлтийг авчрах болно.

Хамгийн чухал нь хүн төрөлхтөн, дэлхийн бүх ард иргэд Дэлхийгээ аврахын тулд ургамлан хоолтон болохын аугаа ач тусыг мэдэх явдал юм. Тэд бидний одоогийн нөхцөл байдал хичнээн аюултай, хичнээн бачим болоод байгааг мэдэх хэрэгтэй. Энэ бол хамгийн чухал зүйл.

Тэд мөн ургамлан хоол, амь хөнөөгөөгүй хүнс хүн төрөлхтөнд ямар ач тус авч ирэхийг, ёс суртахууны талыг биш юм гэхэд ашиг өгөөжийг нь мэдвэл зохино.  Ургамлан хоол нь бидний эрүүл мэнд болоод дэлхийг аврахад хэрхэн ач тус хүргэх, тэгснээр үр хүүхдүүд маань ирээдүйд амьдрах гэртэй байх болно гэдгийг эхлээд ярьцгаая.

Тамхийг хориглосон шигээ махыг хоригло

Бид маханд хориг тавих ёстой. Бид одоо хүмүүст цагаан хоол хэрхэн хийж идэхийг зааж харуулснаараа үүнд хориг тавьж байна. Бүгдээрээ хөдөлцгөөе. Үнэхээр эсэн мэнд үлдэхийн төлөө юм шүү дээ. Хүмүүст мах идэхийн аюул хөнөөлийг мэдээлж, тэдэнд шийдлийг нь харуулахыг амьдралынхаа зорилго болго.

Тэд тамхинд хориг тависан, тэгээд энэ одоо хориотой зүйл болсон. Тэд хар тамхийг хориглосон, тэгээд хориотой зүйл болсон. Уурын амьсгалын өөрчлөлтийн бодлогын хувьд ч энэ ялгаагүй байх болно. Хэрэв тэд сайн гэж мэдэж байгаа зүйлээ зүгээр л хийчих юм бол үр дүн нь маш хурдан ирэх болно. Бид тэр даруйдаа буцаж хэвэндээ орж эсвэл муу үр нөлөөг дариу зогсоох болно.

Яагаад гэвэл бид хэрэв ахин мал сүрэг нэмж үржүүлэхгүй байх юм бол манай Дэлхий илүү тогтвортой болох болно: амьтнаас ялгарах хүлэмжийн хий эсвэл метан хий байхаа болино, хий үргэлж нэмэгдэж байдгаа болино. Бид хэдийнээ байгаа зүйлсээ (мал амьтад) хадгалж үлдэнэ, мах болоод мөнгөний төлөө мал нэмж өсгөж үржүүлэхгүй. Ингээд л Дэлхий нөхөн сэргэх болно. Хэсэг хугацааны дараа үхэрнүүд байгалийн жамаараа одож, бүх газар ахин ой мод, ургамал ногоогоор бүрхэгдэх болно. 

Тамхи татахыг хориглосон нь хүмүүст тамхиа хаяхад тусалсан бөгөөд тамхинаас гарагч нар энэ муу зуршил өөрт нь муу гэдгийг мэдэж байсан учраас тамхины хоригт баяртай байсан гэдгийг судалгаа харуулсан.

Маханд хориг тавих ч үүнтэй төстэй.  Мах бол бид бүхнийг болоод үр хүүхдийг маань, хайртай хүмүүсийг маань хөнөөдөг муу зуршил гэдгийг бид бүгдээрээ судалгаануудаас мэднэ, энэ одоо гарагийг маань хөнөөж байна.

Тиймээс, маханд хориг тавих нь ургамлан хооллолттой дэлхийг зорьж буй чиг хандлагыг залах хүчтэй урсгал нь байх болно.

Бидэнд өөр ямар ч сонголт байхгүй

Хэрэв бид мал өсгөн үржүүлэх, мах идэх явдлыг зогсоохгүй бол бидэнд энэ гарагийг, түүний дотор тэр хүмүүс бас тэдний махны бизнесийг аврах боломж гарч ирэхгүй болно. Тэгэхээр бид амь нас, карьерийн аль нэгийг сонгох ёстой гэж бодож байна. Бид эхлээд амьд үлдэх хэрэгтэй. Бид зөвхөн зарим нэг бизнесийг бус энэ дэлхийн хүмүүсийг нэгэн бүхэл гэж авч үзэх хэрэгтэй. Ийм л яаралтай, хойш тавилтгүй болоод байна.

Ийм нэн чухал хэрэгцээ шаардлага байгаа учраас хэрвээ эдийн засгийн учир шалтгаанаар махны үйлдвэрлэлтэй уягдаад байгаа энэ хүмүүст бид зөв зохистой мэдээлэл өгч, амьдралын хэв маяг болон ажил мэргэжлээ өөрчлөх хичнээн чухал болоод байгааг ойлгуулчих юм бол  тэд өөрчлөлт хийх хүсэл зоригтой болох болно. Тэднийг хөдөлгөх олон хүчтэй сэдэл бий. Жишээлбэл, эхнийх нь бид уур амьсгалын гамшгаас дэлхийг, дэлхий дээрх бүх амь насыг аврах сэдэл юм.

Амьтныг алж хөнөөхийг болон дайн дажинг зогсоож, улс эх орноо сэргээн босго

Гол нь удирдагч нар юу тэргүүн зэргийн чухал вэ гэдгийг мэдэх хэрэгтэй. Энэ дэлхий сүйрч үгүй болох гээд байхад дайн, ямар нэг байр суурь эсвэл өөр юунд ч юм санаа зовнихын ач тус гэж юу байна? Тэгэхээр яг одоо бүх манлайлагч нар дэлхийгээ аврахад анхаарлаа төвлөрүүлж, илүү буянтай амьдралаар амьдрах талаар хүмүүст мэдээлэл тарааж, шинэ хуулиудыг гаргах ёстой.

Уул нь бүр хууль байх ч хэрэггүй юм, гэвч хуультай байвал илүү дээр, илүү бодитой байж магадгүй; түүнээс биш хүмүүс бол бэлэн байна. Зөвхөн засгийн газрууд л шинээр зарим нэг хууль журам гаргаж хэрэгжүүлэх, хүмүүст юу нь сайн, эрхэм буянтай болохыг, амьтдыг хөнөөхгүй, идэхгүй, эсвэл хүн амьтан, байгаль орчинд халтай зүйл хийхгүйгээр амьдрах тухай хайрын хуулийг дагаж мөрдөхийг сануулах хэрэгтэй байгаа юм.

Илүү бодитой харагдахуйц, давшингуй арга хэмжээнүүд байх хэрэгтэй. Эхлээд бүх дайн зогсох ёстой. Мөнгө, барааг зөвхөн хамаг төрөлтнийг тэжээж тэтгэхэд чиглүүлж, гарагийн нөөцийг бүх хүнд хүртээмжтэй түгээх ёстой. Жишээлбэл дайн үгүй бол үүнд хамаатай мөнгө дэлхийг тэр чигээр нь, хэдэн арван жил үнэгүй тэжээчихэд хүрэлцэнэ.

Тэгээд бүх амь хөнөөх явдал, хүмүүсийг болон амьтдыг зовоох явдлыг зогсоох ёстой. Бүх ой мод огтлох, байгаль орчинд хохирол учруулах, ой модыг сүйтгэх гээд энэ бүх үйлдлийг зогсоох ёстой. Удирдагч нар ач тустай, энх тайвантай, боломжтой бол сүнслэг дэвшилтэй зүйлсийг л бүх хүний төлөө, боломжтой бол жишээ нь жинхэнэ оюунлаг хүмүүсийн бүлгийг,  гэм хортой биш харин өгөөжтэй бүлгийг хамгаалах гэх мэт зүйлсийг хуульчлан батлаж болох юм.

Баялгийг бүгдтэй хуваалц: Гачигдалтай хүн ба амьтдад хангалттай хоол хүнс, хувцас тараа. Бүх амь насыг хамгаалахын тулд бүх хүн, амьтдад зориулсан хамгаалалттай газруудыг бий болго. Ой модыг дахин тарьж, далай, тэнгис, ус мөрнийг цэвэрлэж хамгаал; амьтдыг хамгаалж халамжилдаг ногоон бүлгэмүүд гэх мэт хамт олныг шагна. Архи, согтууруулах ундаа, хар тамхи, мах, амьтны гаралтай бүтээгдэхүүнүүдээс ангижирч, зайлуул. Амьтан дээр харгис туршилт хийдэг лабораторийн сорилуулыг зогсоох ёстой. Амьтдын үйлдвэр бүхий фермүүдийг зайлуул. Хоригдлууд болон цэргүүдээр ч гэсэн хүмүүст тустай ажил хийлгэж, ургамал ногоо тариул, үр өгөөжтэй ажил хийлгүүл. Органик ногооны фермийг дэмжиж, туслалцаа үзүүл. Боловсрол, эрүүл мэндийн үйл ажиллагаануудад татаас олго.

Мөн зэр зэвсгийн үйлдвэрлэлийн бизнесийг цэглэн үгүй болгох ёстой. Нийгмээ бүхий л сүүдэртэй, хор хөнөөлтэй бүтээгдэхүүн, үйл ажиллагаануудаас цэвэрлэ. Бүх хүний аюулгүй байдал, тав тухыг хангаж өг, тэгснээр хэн ч наад захын хэрэгцээ болон эрдэм боловсролоор дутагдсанаасаа болж гэмт хэрэг үйлдэхгүй. Хил хязгаарыг арилгаж, бүх иргэдийг ижил тэгш статус, хүндэтгэл хүлээх  нөхцлийг бүрдүүл.

Хэрэв [засгийн газрууд] ямар нэг армийг авч үлдэх хэрэг байдаг юмаа гэхэд тэднийг гамшигт өртсөн хүмүүст яаралтай туслах, шаардлагатай үед орон гэрийг нь сэргээн барьж өгөх, тусламж хэрэгтэй үед нь очиж туслах чиглэлээр дахин сургаж бэлтгэ. Эднийг бүгдийг нь, бүр үүнээс ч илүү ихийг хийх хэрэгтэй. Бусад хүмүүст туслах, ард иргэдэд туслах, амьтад ба хүрээлэн буй орчинд туслах ямар л зүйл байна бүгдийг нь хэрэгжүүлэхийн төлөө бүх засгийн газрууд, удирдагч нар хамаг чадлаар хичээж арга хэмжээ авах хэрэгтэй, тэд бүр одоо хийх хэрэгтэй байна.

Махны салбар бол алдагдалтай бизнес

Эх сурвалж: Physicians Committee for Responsible Medicine,“Health vs. Pork: Congress Debates the Farm Bill, ”Good Medicine,Vol. XVI, 4 (Autumn 2007). www.pcrm.org/magazine/gm07autumn/health_pork.html

Энэ бүх зовлон шаналал, энэ бүх татварын мөнгө өөр чиглэлд урсаж байна. Үнэндээ таньд ямар ч тус болохгүй байна. Энэ нь нөөц баялаг, хөрөнгө мөнгө, үндэсний хүчин чадал, хүний эрүүл мэнд, аз жаргалыг барж байна. Зүгээр л гарздаж байна. Энэ бол ердөө л тун, маш их, маш их муу бизнес.

Энэ бүх зүйлээс гадна, махны бизнест ажиллаж буй ихэнхи ажилчдын ажлын байр аюулгүй биш байдаг. Энэ бол эд эрхтнээ гэмтээх,  химийн бодис болон томуу, гахайн ханиад, шувууны ханиад, үхрийн галзуу өвчин зэрэг ямагт аминд халтай өвчнүүдэд нэрвэгдэх эрсдэл, хэмжээ хамгийн өндөр ажлуудын нэг юм.

Энэрэл нигүүлсэлтэй амьдралаар хийсэн бүх зүйл танд сайн бөгөөд Бурханы таалалд нийцэж байдаг. Энэ бас дэлхийг аврах болно. Сайн бизнес байхаар барахгүй энэ дэлхийг аврана, одоо болон ирээдүйд тоо томшгүй олон төрөлтнийг, өнөөх махны бизнес эрхлэгчдийг хүртэл аврана. Тийм учраас л Бурхан багш махны бизнесийг хүмүүсийн эрхэлж болохгүй таван бизнесийн нэгээр нэрлэсэн юм.

Органик аж ахуйг урамшуул, дэмж, татаас өг

---

[Засгийн газар] фермерүүдийг тариалан эрхлэхэд урамшуулж, махны алдагдлаа нөхөх хүнсний ногоо тарьж ургуулахыг нь дэмжиж татаас өгч болно шүү дээ. Тэд илүү ихийг ургуулбал, илүү их татаас авдаг байг. Тэгээд фермерүүдэд тэд дэлхийдээ хамгийн тустай сайн ажлыг хийх болно гэж тайлбарлаж  өгөх хэрэгтэй.

Хэрэв амьтдыг зөнгөөр нь орхиж, мал өсгөж үржүүлэхийн оронд хүмүүсийг хооллох ногоо тарьж ургуулбал тэд аугаа баатрууд, дэлхийг аврагчид болох болно. Амьтад жам ёсоороо Диваажин луугаа буцах хүртэл нь тэдэнтэй хамаг сайхан сэтгэлээр хандаж байх ёстой гэдгийг  засгийн газар тэдэнд хэлж өгөх хэрэгтэй. 

Одоогийн байдлаар энэ практик тийм ч өргөн дэлгэрээгүй, засгийн газар, хэвлэл мэдээллийнхний өргөн дэмжлэг аваагүй байна. Тэгэхээр миний даруу бодлоор бол  засгийн газар мөнгөө маханд өгснөөс эсвэл өвчин ба бусад зүйлээр махаа хордуулж муудгаснаасаа болж алдагдалд орж байгаа фермерүүдэд татаас болгож өгөхийн оронд  татаасаа ногооны фермерүүдэд өгч болох бөгөөд ингэснээр тэд ажил нь илүү тогтвортой практик болтол санхүүгийн дэмжлэг авч, зах зээлд органик хүнсний эрэлт илүү их бий болох болно. Тэгвэл фермер эрхлэгч нар  хүн ба гарагийнхаа эрүүл энхийн төлөө ногоон хүнсийг илүү их тарьж нийлүүлэхдээ баяртай байх болно. 

Засгийн газар тэднийг хүнсний ургамал ногооны үрээр хангаж, химийн бордоо хэрэглэхгүйгээр тариалалтаа эрхлэх шилдэг аргуудаас зааж сургаж болно, учир нь зарим тохиолдолд фермер эрхлэгч нар мал үржүүлэхийн хор хөнөөл болон химийн бодис, бордоо, шавж устгагч хорны талаар сайн ойлголт мэдээлэл ердөө л аваагүй байдаг юм.

Яг одоо органик хүнсийг маш их сонирхож байна. Тэгээд энэ нь хүн бүгдийн эрүүл мэндэд маш сайн. Бас маш их эрэлтэй байна.

Манай Нийгэмлэгийн хувьд органик ферм эрхэлдэг маш олон гишүүд бий. Тэгээд үүнийг хэн ч хийж чадна гэдэг нь батлагдсан. Энэ талаар сонирхсон хэн ч бай манай вэбсайт руу ороод хэрхэн органик фермийг эрхлэх тухай бүхий л мэдээллийг авч болно. Энэ их хялбар, энгийн, үнэндээ тийм их ус зарцуулдаггүй. Тэгээд энэ хүнс нь маш хурдан ургадаг, бүр нэг хоёрхон хүн байсан ч тийм их асуудалгүйгээр олон га талбайг тордоод байж чадна. 

Бид хүмүүст органик ферм эрхэл, борооны ус, гүний усыг нөөцлөн газрыг хамгаал, бороо оруулахын тулд мод тарь гэх мэтээр хэлж өгдөг. Энэтхэгийн Ражастаны Алвар мужийн нэгэн Энэтхэг тосгоныхон усыг хангалттай залж чадсанаараа ус хэтрүүлэн татсанаас болж хатсан байсан таван голыг буцааж сэргээсэн байна. Бид ч гэсэн энэ жишээнээс суралцаж болно шүү дээ.

Миний ойлгосноор бол сургуулиуд фермерүүдтэй холбогддог тогтвортой арга зам бүхий цогц тогтолцоо хөгжиж буй боловч бүрэн хэрэгжээгүй байна.

Европ, Японд эхэлж, одоо АНУ-д дэлгэрч буй нэгэн хөтөлбөр бий бөгөөд үүнд хүнсний хоршоололд харъяалагддаг бүлэг хүмүүс фермерүүдтэй холбоо тогтоож, тэднээс шинэ бүтээгдэхүүн нийлүүлэн авах тухай гэрээ хийдэг. Фермерүүд тэгээд төрөл бүрийн ногоо ургуулж, хүмүүс тэднээс шинэхэн ногоог олон төрлөөр худалдан авах болсон байна. 

Үүнийг хүмүүс өргөн мэдэх болсноор олон газар бүр хүлээлгийн жагсаалт хөтөлдөг болсон байна. Ингэснээр аж ахуйн нь голдуу тасралтгүй тогтвортой ажиллаж байна, органик фермүүд шүү дээ. Хүмүүс итгэж болох эрүүл хүнс авч, тэрний хажуугаар фермерүүдийн амьжиргааг, бас байгаль орчноо дэмжиж байгаа учраас энэ бол сайн туршлага юм. 

Засгийн газрууд органик фермийг дэмжвэл хоромхон зуур чиг хандлага болж дэлгэрнэ гэдэгт би итгэлтэй байна.

Хэрэв засгийн газрууд энэ бол хэрхэн ногоон байгалиа хамгаалж, дэлхийгээ хамгаалах арга зам юм гэсэн захиасаар энэ хандлагыг манлайлан залж өгөх юм бол фермерүүд баяр хөөртэйгээр ургамлан хүнсийг тарьж ургуулах болно.

.


Органик ургамлын аж ахуйн өгөөж

---

Уламжлалт, органик фермерийн аргуудад буцаж орох нь амжилттай гэдгийг жишээ нь Африк, Америк, Европ, Австралийн зарим газруудад аль хэдийн нотолсон. Органик веган тариалалт нь өдгөө маш хурдтай дэлгэрч буй бөгөөд өсөн нэмэгдэж буй эрэлттэй уялдан тун ашигтай байна. Хүмүүс махны хор уршгийн талаар, цагаан хоолны ач тусын талаар илүү мэдээлэл сайтай болсон байна. Тэгэхээр органик, ургамлын ба хүнсний ногооны тариалалт нь бизнесээ өөрчлөхийг хүссэн хэнд ч их, маш их тустай юм. 

Суприм Мастер Телевизээр бид мөн органик фермерийн тухай бүхэл бүтэн хэсэг нэвтрүүлдэг бөгөөд манай www.SupremeMasterTV.com вэбсайтан дээр мөн бий. Энэ вэбсайт дээр бид ус ба ажиллагаа байгатайгаар өөрийн эрүүл мэндэд болон ажилчдад бас дэлхийд ач тустай, өндөр ашигтай органик ферм хэрхэн эрхлэх тухай олон мэдээллийг хуваалцдаг. 

Үнэндээ уламжлалт фермерээс авдаг их хэмжээний ургац нь хөрс, бидний эрүүл мэнд, хүрээлэн буй орчины гарз хохирлын дүнд бий болдог. Шар буурцаг гэх мэт нэг төрлийн асар их хэмжээний ургацыг хүний хэрэглээнд бус махны үйлдвэрлэлд голчлон зориулж байна. 

[Органик фермер] нь бүр амьтдад хүртэл, энэ дэлхийн бүхий л төрөлхтнүүд, бүр ой мод, газарт хүртэл ач тустай. Учир нь АНУ-ын Хүрээлэн буй орчны Хамгааллын Агентлаг, Европын Холбооны тодорхойлсноор зөгийний бүлийг цөөрүүлж, хорт хавдар үүсгэдэг, мөн бид энд нэрийг нь дурдаж мэдэхгүй бусад олон амьтдыг хөнөөж буй химийн бордоо, пестицидыг хэрэглэдэггүйд байгаа юм. 

Жилд таван тэрбум гаруй фунт пестицидийг хэрэглэж байна!. Мөн эдгээр химийн бодисын ердөө 10 хувь нь л зориулалтын газартаа хүрч очдог. Үлдсэн нь агаар болон усанд шингэж, хүн ба амьтан хорт хавдар тусахаас эхлээд далайн үхмэл бүс үүсэхэд нөлөөлж байна.

Бидэнд мөн АНУ, Энэтхэг, Шинэ Зеландад хийсэн хэд хэдэн судалгаа байна. Бүгд л үүнийг баталсан байна, илүү өндөр ашиг олж буйн шалтгаан нь тэдний үйлдвэрлэлийн зардал нь уламжлалт фермерийг бодвол доогуур байдагт оршино гэжээ.

Эцэст нь, эрүүл мэнд маань илүү сайн бол бидэнд бүгдэд нь тустай, учир нь [органик хүнс] нь хорт бодисгүй, шим тэжээлээр баялаг, генийн өөрчлөлтгүй бөгөөд хорт хавдар үүсгэгч пестицид агуулахгүй. Амьтны гаралтай бүтээгдэхүүн нь хорт хавдар, зүрхний өвчин, чихрийн шижин, хэт таргалалт гэх мэт өвчнийг үүсгэдэг байхад органикаар ургуулсан жимс ногоо нь орчин үеийн энэ бүх нөхцлөөс зайлсхийхэд бидэнд туслах шим тэжээлээр хангалттай баялаг билээ. Мэдээж органик, веган хүнс нь бидний аюулгүй гэж үзвэл зохих, аюулгүй гэж үздэг, аюулгүй гэж санагдах цорын ганц хүнс юм. Үнэндээ энэ бол бидний үр хүүхэддээ өгч чадах хамгийн аюулгүй, хамгийн сайн хүнс байх юм. 

Гэртээ-тариалсан жимсээ хурааж буй цэцэрлэгч хүү.

Махны аж үйлдвэрийн ажиллагсдад өөр ажилд шилжихэд нь тусал

[Махны үйлдвэрлэлд ажиллагсад]-д өөр ажил хий гэж хэл, тэдэнд хийх өөр шинэ ажил өг, тэгээд тэдэнд цоо эрүүл, эрч хүч, амар амгалан, хайр, аз жаргалаар дүүрэн шинэ амьдралын ач тусыг тайлбарлаж өг. Хүн бүр үүнийг хүсэх болно. Тэд ядаж л оролдоод үзнэ. Тэгээд тэд оролдож үзсэн л бол үр дүнтэйг нь мэдэх болно. Хэрэв хүн бүр үүнийг оролдож үзэж байвал хөршүүд нь оролдож үзэх болно, тэдний найзууд нь мөн оролдох болно, тэгээд энэ дэмжсэн эрч хүчээр бүх дэлхийн өөрчлөгдөх болно.

[Мал амьтдыг] үржүүлэхээ больж, тэдний амийг хөнөөх тухай ч ярихгүй, бид энэ бүгдийг зогсоох ёстой. Энэ дэлхийг аваръя гэвэл тэд мал өсгөхөө,  үржүүлэхээ, тэднээр амь зуухын тулд нядлахаа зогсоох замаар л үүнийг хийж чадна. Тэд хэрэв засгийн газрууд нь үнэхээр өөрсдийн хүч чадал, эрх мэдлээ ашиглан тэдэнд өөрөөр амьдрах арга замыг гарган өгч, тайлбарлавал ойлгох болно. Тэдэнд тайлбарлаж өг, хэрэгтэй татаасыг нь өг, өөр ажил төрөл, эсвэл өөр сонголтыг өг. Бидэнд өөр сонголтууд байна.  

Би [махны үйлдвэрлэлийн фермер эрхлэгч нар] бүх гахай, үхрээ гэрийн тэжээмэл амьтнаа болгож хадгалж үлдэхийг санал болгож байна. Хэрвээ тэдний тоо толгой үргэлжлэн нэмэгдсээр байх юм бол бид одоогийнхоо байдалд байсаар л байх тул тэднийг хэт олон болгохгүйн тулд тэдний [малын] үрийн сувгийг нь боолгох нь зүйтэй юм.